2028ko Udako Olinpiar Jokoak

Artikulu hau etorkizunean gerta litekeen gertakari bati buruzkoa da. Litekeena da orri honetako informazioa edozein unetan aldatzea, beraz.

2028ko Udako Olinpiar Jokoak
Leloa	Follow the Sun, Lean an Ghrian eta Follow the Sun
Mota	Udako Olinpiar Jokoak
Data	2028
Edizio zenbakia	34
← 2024 2032 →
Kokaleku	Los Angeles
Herrialdea	Ameriketako Estatu Batuak
Osatuta
badminton at the 2028 Summer Olympics../... 34+
Webgune	la28.org

2028ko Udako Olinpiar Jokoak^[1], ofizialki XXXIV Olinpiadako Jokoak bezala ezagutuak, 2028an Los Angeles hirian ospatuko diren Olinpiar Jokoak izango dira, Nazioarteko Olinpiar Batzordeak (ingelesez IOC) usadioa jarraituz antolatuko dituen nazioarteko kirol ospakizuna. Era berean Joko Paralinpikoak ere hiri eta batzorde berdinek antolatuko dituzte. Hirugarren aldia izango da jokoak Los Angelesen ospatzen direla, 1932an eta 1984an ere han izan baitziren.

Jokoak 2028ko uztailaren 21etik abuztuaren 6ra izango dira.

Hautaketa

Los Angeles, Parisekin batera 2024ko jokoak antolatzeko hautagai bakarrak ziren. Nazioarteko Olinpiar Batzordeak ezohikoz 2024ko eta 2028ko jokoen antolatzaileak aldi berean hautatzeko proposamena egin zuen 2017an. Proposamen hau onartutakoan, Paris 2024ko jokoetarako hobesten zutela ulertuta, Los Angelesek 2028ko jokoak antolatzeko akordioa egin zuen Nazioarteko Olinpiar Batzordearekin, Paris 2024ko jokoetarako hautagai bakar bezala utziz.

Kirolak

Beisbol/sofbola, kriketa eta lacrosse-a olinpiar kirol bezala berreskuratuko dira, eta flag futbolak (flag football) eta squashak lehen agerraldia egingo dute. Bestalde, breakdancinga ez da programan egongo, eta boxeoa programatik atera dute oraingoz (2023ko urria), azken erabakiaren zain.

Aurreikusitako egoitzak

Los Angeles erdialdeko kirol parkea

• Los Angeles Memorial Coliseum: irekiera eta itxiera ekitaldiak, atletismoa
• Figueroa Street: zaleen gunea
• BMO Stadium: futbola, atletismoa
• LA84 Foundation/John C. Argue Swim Stadium: jauziak
• Galen Center: badmintona
• Los Angeles Convention Center: boxeoa, eskrima, taekwondoa, mahai-tenisa
• Crypto.com Arena: gimnastika
• Peacock Theater: halterofilia
• Grand Park: atletismoa (maratoia, ibilketa), txirrindularitza (errepidea)
• University Village (Hegoaldeko Kaliforniako Unibertsitatea): prentsa eta hedabideak

San Fernando bailarako kirol parkea

• Sepulveda Basin Park: arkua, txirrindularitza (BMX), skateboardinga

South Bay-ko kirol parkea

• Dignity Health Sports Park: zazpiko errugbia, pentatloi garaikidea, tenisa, belar hockeya
• VELO Sports Center: txirrindularitza (pista)

Long Beach-eko kirol parkea

• Long Beacheko itsasertza: triatloia, igeriketa (ur irekiak, artistikoa)
• Long Beach Arena: eskubaloia
• Belmont Veterans Memorial Pier: bela
• Long Beach Marine Stadium: arraunketa, kanoa (sprint)

Westside

• Santa Monica State Beach eta Venice Beach: boleibola (hondartza), surfa, saskibaloia (3x3)
• Riviera Country Club: golfa
• Kaliforniako Unibertsitatea Los Angelesen: villa olinpikoa
• Pauley Pavilion: borroka, judoa
• SoFi Stadium: irekiera eta itxiera ekitaldiak, futbola, igeriketa
• Intuit Dome: saskibaloia

Kalifornia hegoaldeko egoitzak

• Galway Downs: hipika
• Rose Bowl: futbola
• Frank G. Bonelli Regional Park: txirrindularitza (mendiko bizikleta)
• Honda Center: boleibola (aretoa)
• NBC Universal Studio Lot: prentsa eta hedabideak

Kaliforniatik kanpo

• Devon Park, Oklahoma City: sofbola
• Riversport OKC, Oklahoma City: kanoa (slalom)

Futbol egoitzak

Aukeratzeke

Erreferentziak

Kanpo estekak

• Nazioarteko Olinpiar Batzordea
• Los Angeles 2028

• Datuak: Q1451505
• Multimedia: 2028 Summer Olympics / Q1451505