Hitzez eta Ahotsez

Hitzez eta Ahotsez Durangon 2014an zenbait euskaltzalek sortutako herri ekimena da. Helburua: Euskal literatura bultzatzea eta herritarrak euskaraz irakurtzera animatzea da.

Hitzaldiak, solasaldi dialogikoak, ipuin kontalari saioak, poesia emanaldiak eta jendaurreko irakurraldi girotuak antolatzen dituzte.

Historia

2014.urtean 6 euskaltzale batu ziren, liburuaren egunaren harira, irakurraldi maratoi jarraitu bat antolatzeko asmoz. Ideia herriko Durangon.com hedabidean Marisa Barrenak idatzitako Ametsetan zutabetik sortu zen.^[1]Helburua herritarrak Euskal literaturara hurbiltzea izan zen. Izan ere, bildu zirenen ustez, irakurtzeko ohitura urria zen euren inguruan eta bultzada bat eman beharra ikusten zuten. Irakurraldia girotzeko, aldiz aurretik, hitzaldi eta solasaldiak egitea ere gehitu zuten.

• Lehen edizioan Joseba Sarrionandiaren testuak irakurtzea erabaki eta Sarri, Hitzez eta Ahotsez izena jarri zioten izena ekimenari,^[2][3]sarrera hitzaldia Joxemari Iturralderen eskutik. Berbaldi hartan, Iturraldek Joseba Sarrionandiaren lanaren inguruko zenbait zertzelada eman zituen. ^[4]Solasaldi dialogikoak egin ziren Durangoko Bizenta Mogel Bibliotekan eta Izurtzako Etxaburu dorretxean. Jendaurreko Irakurraldia berriz, Plateruena Kafe Antzokian.

• Hurrengo urtean, 2015ean, Itsasoa gaitzat hartuta bigarren edizioa antolatu zuten.^[5]Eider Rodriguezen hitzaldiaz eman zitzaion hasiera Itsasoa da bide bakarra izenburupean.^[6][7]Irakurraldi girotuan Leire Bilbao, Miren Agur Meabe, Kirmen Uribe, Txomin Agirre, Pako Aristi, Toti Martinez de Lezea eta Aurelia Arkotxaren testuak irakurri ziren, besteak beste.^[8]
• 2016ko edizioan Durangoko Idazleak eta haien lanak izan ziren protagonista, lehengoak eta oraingoak. Sarrera hitzaldia Xabier Amurizak egin zuen, Bakarrizketa - Elkarrizketan ULYSES ezagutuz izenburua izan zuen hitzaldiak.^[9][10] Solasaldi dialogikoetan eta jendaurreko irakurraldian Durangaldeko idazleen testuak irakurri ziren: Xabier Amuriza, Felipe Arrese Beitia, Julene Azpeitia, Lourdes Unzueta, Ebaristo Bustintza Kirikiño, Leire Bilbao, Joseba Sarrionandia, Mila Salterain, Errose Bustintza, Unai Iturriaga,  Nicolas Alzola "Bitaño", Luis Berrizbeitia, Andoni Urzelai, J.E. Capeau, Josu Unzueta, Manu Ertzilla, Paddy Rekalde, Arrate Mardaraz, Iñaki Irasizabal, Gaizka Zabarte edota Peru Magdalenarenak.
• 2017an Bidaia izan zen gaia. Miren Agur Meabek eman zion edizioari hasiera Identitate poetiko bat norabide berbaldiaz.^[11][12] Anbotora, Kubara zein SPra egindako bidaiek, edo barne bidaiek izan zuten lekua solasaldi eta irakurraldi girotuan.
• 2018an Lurra. Jakoba Errekondo hizlari Lurretik landareak, landareak lantzetik gu jantzi ^[13][14][15]

• 2019an Askatasuna Uxue Alberdi hizlari. Kontrako eztarritik liburuaren aurrekariak azaldu zituen.^[16]

• 2020-2021 Maitasuna Yolanda Arrieta.^[17]Lorea Agirreren Maitasuna maiteminetik harago hitzaldiaz eman zitzaion hasiera Arte eta Historia Museoan. Mireia Delgado eta Uribarri Atxotegi durangarrek Maitasunaren material (ak) ikuskizuna eskaini zuten San Agustin Kultur Gunean (Bizenta Mogel Bibliotekeagaz alkarlanean atondutako ikuskizuna, San Agustin Kultur Gunearen laguntzaz). Irakurraldi girotua San Agustin Kultur Gunean egin zen, aforo mugatuaz. Mugak muga, aurreko urteetan bezala, zenbait lagunek eurek sortutako testuak irakurri zituzten: Paddy Rekalde, Josu Unzueta, Jose Julian Bakedano, Peru Magdalena, Andoni Barreña, Leire Narbaiza, Ane Arbeo, Markel Sanchez, edota Toni Atutxak. Ondorengo idazleen testuak irakurri ziren: Yolanda Arrieta, Joseba Sarrionandia, Leire Bilbao, Mari Luz Esteban, Joxean Artze, Arantza Urretabizkaia, Goizalde Landabaso, Joxe Azurmendi, Eva Perez-Pons, Lizar Bengoa.^[18]

• 2022 Ametsak, Leire Bilbaoren poesia emanaldiarekin eman zitzaion hasiera, ondoren Joseba Sarrionandiaren hitzaldia, Arte eta Historia Museoan.^[19] Jendaurreko irakurraldi girotua San Agustin Kultur Gunean egin zen.^{[20] [21][22]}
• 2023 Umorea. Beatriz Egizabal ipuin kontalariaren Baobo narrazio emanaldiarekin eman zitzaion hasiera Bizenta Mogel Bibliotekan.^[23] Ane Labakaren hitzaldia Umorea disekzio-mahaian: nork, nondik, nola? Arte eta Historia Museoan eta Jendaurreko Irakurraldi Girotua Benita Uribarrena parkean.^{[24][25][26][27]}

Edizio guztietako kartelak Imanol Larrinaga durangar artistak egin ditu.

Iruditegia

• 
  Irakurraldia 2014
• 
  J.M. Iturralderen hitzaldia, 2014
• 
  Solasaldia. 2014 Bizenta Mogel Bibliotekan
• 
  Xabier Amurizaren hitzaldia Arte eta Historia Museoa, 2016
• 
  Feministen aldarrikapenak
• 
  Miren Agur Meaberekin solasaldia
• 
  Hitzaldia, 2017
• 
  Leire Bilbaoren poesia emanaldia Bizenta Mogel Bibliotekan. 2022
• 
  Imanol Larrinaga 2022. edizioko kartelgilea
• 
  Joseba Sarrionandiaren berbaldia Arte eta Historia Museoan, 2022
• 
  Joseba Sarrionandia 2022ko Irakurraldian
• 
  Antolatzaileak 2022
• 
  Beatriz Egizabal eta antolatzaileak (2023)

Joan zaizkigunak

• 
  Txotxe.
• 
  Jose Mari Uriarte. Hainbat ediziotako argazki egilea
• 
  Xeberri abeslaria.
• 
  Juan Luis Isasi.
• 
  Eskarne Aroma.
• 
  Iñaki Gorritxategi.
• 
  Abel Iriondo.
• 
  Jose Antonio Azkorbebeitia "Azkorbe".
• 
  Jose Mari Bilbao.

Erreferentziak

Kanpo estekak

• 2017. Uxue Alonso, Aintzane Uria eta Goreti Zarrabe, Greziako itsasontzia abesten Plateruenean Youtube

• 2018 Xabier Amuriza: Lurra abesten Youtube
• 2018 Lurretik gatoz, lurra gara Youtube
• 2019. Txalaparta, Olatz Garzia eta Jokin Garitaonandia Youtube
• 2021.Ainhoa eta Eneritz Bereikua Youtube
• 2021.Erika Lagoma, Konfinamenduko erotika koplak kantatzen. Youtube
• 2022. Elkarrizketa: Literaturara hurbiltzeko aukera eskaini nahi dugu Naiz irratia
• 2022. Zabalkunde bideoa YouTube