Juan-juan
Juan-juan, batzuetan Jwen-jwen, Jou-jan, Jeu-jen, edo Geougen (txineraz, «inurri-intsektuak»), Asiako erdialdeko herri mongoliarren konfederazioa izan zen.
Mantxuriatik Turkestanera zabaltzen zen inperio bat osatu zuen konfederazio honek V. mendearen hasieratik VI. mende erdialdera arte.
Hunoekin batu ziren aliantzan, eta Txinako iparraldeko Wei dinastiaren aurka borrokatu ziren. 552. urtean, inperio horretan bizi ziren herri turkiarrak matxinatu eta, Wei dinastiaren laguntzaz, menderatu egin zuten juan-juan inperioa. V. mendean Europa aldera jo zuen herri avaroa juan-juan taldeko herria zen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|
|---|
Datuak: Q155361
Multimedia: Rouran Khaganate / Q155361
