Maria Teresa Borboikoa

Maria Teresa Borboikoa
Irudi gehiago
Bizitza
Jaiotza	Madril, 1882ko azaroaren 12a
Herrialdea	Espainia
Bizilekua	Palace of the Cuesta de la Vega (en) Madrilgo Errege Jauregia
Heriotza	Palace of the Cuesta de la Vega (en) , 1912ko irailaren 23a (29 urte)
Hobiratze lekua	Panteón de Infantes
Familia
Aita	Alfontso XII.a Borboikoa
Ama	Maria Kristina Austriakoa
Ezkontidea(k)	Prince Ferdinand of Bavaria (en)  (1906ko urtarrilaren 12a -
Seme-alabak	ikusi Luis Alfonso de Baviera (en) José Eugenio de Baviera y Borbón Infanta Maria de las Mercedes of Spain (en) Infanta Maria del Pilar of Spain (en)
Anai-arrebak	ikusi Alfontso XIII.a Borboikoa María de las Mercedes, Princess of Asturias (en)
Leinua	Borboi leinua
Hezkuntza
Hizkuntzak	gaztelania
Jarduerak
Jarduerak	aristokrata
Jasotako sariak	ikusi Order of Theresa Order of Saint Elisabeth
Sinesmenak eta ideologia
Erlijioa	Erromatar Eliza Katolikoa

Maria Teresa Borboikoa edo Maria Teresa Alfontsa Maria Teresa Isabel Eugenia Patrozinio Diega (Madril, 1882ko azaroaren 12an - Madril, 1912ko irailaren 23a) Espainiako infanta izan zen eta, ezkontzagatik, Bavariako printzesa.

Biografia

Maria Teresa Borboikoa edo Maria Teresa Alfontsa Maria Teresa Isabel Eugenia Patrozinio Diega Madrilgo errege jauregian jaio zen 1882ko azaroaren 12an. Aita Alfontso XII.a eta ama, berriz, Maria Kristina Habsburgo-Lorenakoa izan zituen, bikotearen bigarren alaba izan zelarik. Alfontso XIII.a erregearen arreba izan zen.

Aita Alfontso XII.a 1885eko azaroaren 25ean hil zen 28 urte besterik ez zituenean eta emaztea haurdun zegoen une horretan. Jaioko zena mutila ala neska izango zen jakin gabe, ez zuten alaba zaharrena zen Maria Mercedes Asturiasko printzesa egin eta, 1886ko maiatzaren 17an, mutila zela ikustean, Alfontso XIII.a egin zuten errege jaio bezain pronto. Maria Teresa, berriz, errege-erreginaren bigarren alaba ez zen erregina izateko hezia izan eta infanta izan zen bizitza osoan^[1].

1906ko urtarrilaren 12an Madrilgo Errege Jauregian ezkondu zen bere lehengusu zen Fernando Bavariako printzearekin; senargaia Elisabet II.a Espainiakoaren biloba eta Luis Fernando Bavariakoa eta Maria de la Paz Borboikoaren semea zen. Fernandok eta Maria Teresak lau seme-alaba eduki zituzten:

• Luis Alfontso Bavariakoa eta Borboia (1906-1983), Espainiako infantea.
• Jose Eugenio Bavariakoa eta Borboia (1909-1966), Espainiako infantea; Odielko Kondesarekin ezkondu zen eta lau ume eduki zituen.
• Maria de las Mercedes Bavariakoa eta Borboia (1911-1953), Espainiako infanta, Georgiako printzearekin ezkondu zen eta bi ume eduki zituen.
• Maria del Pilar Bavariakoa eta Borboia (1912-1928).

Heriotza

1912ko irailaren 23an Madrilgo Kale Nagusiko 99-101 zen bere erresidentzian azken umealdiaz errekuperatzen ari zenean -irailaren 15ean jaio zen Pilar infanta-, enbolia batek hil zuen Maria Teresa 30 urte besterik ez zituenean.

El Escorialko Infanteen Panteoian lurperatu zuten hilabete bereko 25ean. Anaia zuen Alfontso XIII.aren aginduz, hileta haietan, Asturiasko printzesari zegozkion ohoreak jaso zituen.

Arbasoak

Aitona Frantzisko Asiskoa eta Borboikoa	Amona Elisabet II.a Espainiakoa	Aitona Karlos Fernando artxidukea	Amona Isabel Frantziska Austriakoa artxidukea
Aita Alfontso XII.a Espainiakoa		Ama Maria Kristina Habsburgo-Lorenakoa
Maria Teresa Borboikoa

Erreferentziak

Wikimedia Commonsen badira fitxategi gehiago, gai hau dutenak: Maria Teresa Borboikoa

• Datuak: Q255389
• Multimedia: Infanta Maria Teresa of Spain / Q255389