Newmarket-on-Fergus

Newmarket-on-Fergus Cora Chaitlín
Irlanda
Administrazioa
Estatua	Irlandako Errepublika
Probintzia	Connacht
Konderria	Galway konderria
Postakodea	H91
Geografia
Koordenatuak	52°45′35″N 8°53′37″W / 52.7597°N 8.8935°W / 52.7597; -8.8935
Altuera	20 metro
Demografia
Biztanleria	1.542 (2006)
Bestelako informazioa

Newmarket-on-Fergus, historikoki Corracatlin izenez ezaguna (irlanderaz Cora Chaitlín), Irlandako Errepublikaren mendebaldean dagoen Clare konderriko udalerri bat da. Konderriko hiriburua den Ennis hiritik 13 kilometro hego-ekialdera dago, Shannon aireportutik 8 kilometro ipar-mendebaldera eta Limerick hiritik 24 kilometro mendebaldera.

Clarecastle, Ennis, Cratloe, Sixmilebridge, Quin eta Shannon udalerriekin muga egiten du. Fergus ibaiaren ertzean kokatzen da, herrigunea Limerick-Ennis ibilbidea burutzen duen N18 errepideak zeharkatzen du, gainera 2007. urtea ezkeroztik M18 autobideak herrigunea sahiestea lortu eta haren kanpoaldeko lursailetatik iragaten da.

Etimologia

Ingelesezko Newmarket-on-Fergus izenak erakusten duenez, aurretik Bunrattyn merkatua egiten zen eta ondoren merkatu berria egiten hasi ziren Fergus ibaiaren ondoan. Irlanderazko Cora Chaitlín izenak berriz "Caitlínen presa" esan nahi du, XIX mendean hainbat presa egin baitziren ibaian.

Historia

Badirudi gaur egun Dromoland gaztelua dagoen muinoan herri hesitu prehistorikoa izan zela k.a. 500 urtearen inguruan.

Eremuaren lehen agiri idatzia 1574koa da eta bertab Bonratty baroierria agertzen da. Newmarket-on-Fergus herria 1174ean sortu zen hainbat herrixka elkartu zirenean: Bunratty, Fenloe, Kilnasoolagh, Drumline, Clonloghan, Kilconry eta Kilmaleery.

Ondarea

Newmarket-on-Fergus udalerriko ondare edo eraikin ospetsuena Dromoland gaztelua da. Bestalde, udalerri honetatik hurbil dagoen Bunratty udalerrian ere Bunratty gaztelua ere topa liteke.

Iruditegia

• 
  Dromoland gaztelua.
• 
  Bunratty gaztelua.
• 
  Ballycar errepidea.
• 
  Limerick errepidea.
• 
  O'Regan parkea,
• 
  Lough Gash aintziraren ikuspegia Killinasoolagh elizatik.
• 
  Boheraroan Estate
• 
  Lough Gash aintzira.

Herritar ezagunak

• William Smith O'Brien, (1803-1864), irlandar nazionalista eta abertzalea.

Ikus gainera

• Dromoland gaztelua
• Bunratty gaztelua

Kanpo estekak

• Newmarket-on-Fergusko eskola (Ingelesez)
• Newmarket-on-Fergus parrokia (Ingelesez)
• Clare Inn Hotela (Ingelesez)

• Datuak: Q919990
• Multimedia: Newmarket-on-Fergus / Q919990