Sabana

Sabana belartza tropikal edo subtropikal hedatsua da, landaredi lehorte-jasailez eratua eta zuhaitz bakanak dituena: normalean, basoen eta estepen arteko eremua da. Hitza amerindiarrek larredia izendatzeko erabiltzen zuten. Hala ere, sailkapena deskribapen fisikoa baino konplexuagoa da.

Tropikoen arteko sabanak

Sabana arketipikoak dira. Tropikoen arteko biomak dira, baina batzuetan eskualde azpitropikaletan ere agertzen dira.

Ezaugarriak:

• Ura: urte-sasoi lehorra dute.
• Lurzorua: emankortasun txikikoa.
• Tenperatura: urte-sasoi bat epela eta lehorra da eta bestea, beroa eta euritsua.
• Landareak: belarrak.
• Animaliak: ugaztunak, hegaztiak eta intsektuak.

Mota horretako sabanak Afrikako Serengeti eta Hego Amerikako Llanos dira.

Sabana epelak

Bost kontinenteetako erdialdeko latitudeetan daude. Bioma hori larredia da.

Ezaugarriak:

• Ura: eskasa.
• Lurzorua: emankorra.
• Tenperatura: urte-sasoi bat epela da eta negua, gorria.
• Landareak: belarrak.
• Animaliak: ugaztunak, hegaztiak eta intsektuak.

Mediterranear sabanak

Klima mediterraneoa duten bost kontinenteetako erdialdeko latitudeetan daude.

Ezaugarriak:

• Ura: sasi-aridoa.
• Lurzorua: emankortasun txikikoa.
• Landareak: endemikoak.

Adibidez, Kaliforniako chaparrala mota horretakoa da.

Sabana paduratsua

Mota horretako sabanetako ezaugarri nagusia sasoiko edo ohiko uholdeak da.

Ezaugarriak:

• Ura: ugari.
• Lurzorua: emankorra.
• Tenperatura: epela.

Adibidez, Zambezi ingurukoa edo Estatu Batuetako Everglades.

Sabana menditsuak

Normalean, Tropiko inguruko eskualde alpinoetan edo azpialpinoetan daude. Adibidez, Hego Amerikako Altiplanoan edota Madagaskarren daudenak.

Kanpo estekak

• Datuak: Q42320
• Multimedia: Savannas / Q42320