Sienako katedrala

Sienako katedrala
Duomo di Siena
Historic Centre of Siena
Irudi gehiago
Kokapena
Estatu burujabe	Italia
Eskualdea	Toscana
Probintzia	Sienako probintzia
Unibertsitate-hiri	Siena
Koordenatuak	43°19′03″N 11°19′43″E / 43.31758°N 11.32869°E / 43.31758; 11.32869
Historia eta erabilera
Irekiera	1196
Erlijioa	katolizismoa
Elizbarrutia	Roman Catholic Archdiocese of Siena-Colle di Val d'Elsa-Montalcino (en)
Izena	Mariaren Jasokunde
Arkitektura
Estiloa	arkitektura gotikoa
Webgune ofiziala

Sienako katedrala (Duomo di Siena italieraz) eliza katolikoa da, Italiako hiri honetako apezpikuaren egoitza. Jasokundeko Andre Mariari eskainitako eliza da. Siena hirigune historikoan parte da, eta, hiriko hainbat monumenturekin batera Gizateriaren Ondare izendatu izan du UNESCOk.^[1] Toscanako eta Italia osoko elizarik ederrenetakoa da, Siena hiria errepublika independente baten buru zenean eraikia.

Arkitektura

Katedrala eliza zaharrago baten egituran oinarrituta diseinatu zen, eta Giovanni Pisanok 1215 eta 1263 artean osatu zuen. Estilo gotikoaren fase berezkoena dagokio, beraz. Gurutze latindarreko plana du eta nabarmenak ditu gurutzadurak eta kupulak. Kupularen oinarria oktogonala da eta euskarri zutabeen gainetik bakarrik zabaltzen da.

Ikusgarria da, halaber, kanpandorrea, estilo erromanikoan hasi zena eta 15. mendean bukatua: Toskanako dorre eraikintza bertikal ikusgarriaren adibide bat da.

Fatxada nagusia italiar gotikoaren maisulanetako bat da. Eskulturak kalitate bikainekoak dira, eta mosaikoek emandako kolore ukitua, ikusgarria. Azpimarratu behar da irudi geometriko nahiko sinpleak erabili zirela oinarri gisa arkitektura diseinurako. Frantziako katedral gotikoen bertikalitatearekin kontraste egiten du horrek.

Barrualdeko marmolak eta artelanak

Barruan, marmol zuriak eta ilunak txandakatzen dituzten etengabeko erritmoak arreta erakartzen du. Lurraren dekorazio lan konplexua ere ikaragarria da, marmol harrizko titakadura lan bikaina, zeinean eszena kristauak eta paganoak nahasten diren.

Katedrala apaintzen duten maisulanen artean nabarmentzen da pulpitua, Nicola eta Giovanni Pisano aita-semeen eskultura gotiko berantiarra.

Beste artelan batzuk dira Andrea Bregnoren Piccolomini aldarea, edo Donatelloren San Joan Bataitzailea. Bi eskultura ere badaude Michelangelorenak: San Pedro eta San Paulo.

Iruditegia

• 
  Siena eta bere duomo edo katedrala.
• 
  Fatxada nagusia
• 
  Katedraleko kanpandorrea. Marmol zuri eta ilunaren nahasketa ikusgarria nabarmentzen da.
• 
  Amaitu gabeko luzapena.
• 
  Atzeko sarbidea, atari gotikoarekin.
• 
  Kupularen barruko ikuspegia.
• 
  Aldare nagusia.
• 
  Errugabeen hilketa, Bibliako eszena lurreko marmolezko titakadura.
• 
  Lurreko titakadira lana, Siena eta inguruetako hiriak.
• 
  Pulpitua, Nicola eta Giovanni Pisano-ren lana.
• 
  San Paulo, Michelangeloren eskultura .
• 
  La Maestà, Duccio Dibuoninsegnarena.

Erreferentziak

Kanpo estekak

• Datuak: Q282554
• Multimedia: Cathedral (Siena) / Q282554