Sir Kenneth MacMillan

Sir Kenneth MacMillan
Irudi gehiago
Bizitza
Jaiotza	Dunfermline, 1929ko abenduaren 11
Herrialdea	Erresuma Batua
Heriotza	Londres, 1992ko urriaren 29a (62 urte)
Heriotza modua	berezko heriotza: miokardio infartu akutua
Familia
Ezkontidea(k)	Deborah MacMillan ^(en)
Hezkuntza
Heziketa	Great Yarmouth High School ^(en) Royal Ballet School ^(en)
Hizkuntzak	ingelesa
Jarduerak
Jarduerak	koreografoa, ballet-irakaslea eta ballet dantzaria
Jasotako sariak	ikusi Laurence Olivier Award Knight Bachelor Society of London Theatre Special Award Queen Elizabeth II Coronation Award

kennethmacmillan.com

Sir Kenneth MacMillan (Londres, Ingalaterra, 1929 – 1992) balleteko dantzaria eta koreografoa izan zen. Royal Balleteko zuzendari izan zen 1977. urtetik hil zen arte.

Dantzari gisa hasi zen Sadler's Wells Ballet Schoolen, eta eskola horretako dantzari-taldean sartu zen 1946an. Handik hamar urtera, Royal Balleten hasi zen. 1970eko hamarraldia arrakasta handikoa izan zen MacMillanentzat, lan hauei esker: Maitagarriaren musua (1960), Gonbidapena (1960), Udaberriaren sagarapena (1962), Ahizpak (1963) eta Lurraren kantua (1965). 1966tik 1969ra bitartean, klasikoak eraman zituen eszenatokira, hala nola Loti ederra (1967) eta Beltxargen aintzira (1969).

1970an Frederick Ashtonen ordezko izan zen Royal Balleten, baina handik zazpi urtera utzi egin zuen kargua, konpainiako lehen koreografo-lanean bete-betean aritzeko. Garai horretatik aurrera MacMillanek koreografia ugari egin zituen, eta hainbat ballet osatu zituen. Bere konpainiarako egin zituen pieza dramatikoez gainera, beste asko Ballet Ramberterako, telebista eta zinemarako egin zituen, eta antzerkian, Ionescoren hainbat lan zuzendu zuen. Azken lanen artean kontuan hartzekoak dira, Romeo eta Julieta (1967) ballet dramatikoa, Anastasia (1971), Manon (1974), Mayerling (1978), Isadora (1981), Heriotza-dantza (1983) eta Pagodetako printzea (1989). 1983an Sir titulua eman zioten, eta American Ballet Theatreko kide artistikoa izan zen handik urtebetera.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Autoritate kontrola	Wikimedia proiektuak Datuak: Q661555 Multimedia: Kenneth MacMillan / Q661555 Identifikadoreak WorldCat VIAF: 3819711 ISNI: 0000000108135733 BNE: XX4953523 BNF: 14117550q (data) GND: 120889226 LCCN: n82087298 NKC: xx0183776 SNAC: w63r1m3h SUDOC: 153106581 ICCU: RAVV089921 Hiztegiak eta entziklopediak Lur: 03959/eu_m_0048/m0048 Britannica: url